Caimin Douglas

Caimin Douglas

Nase dia 11 di Mei di aña 1977

Kon (na ki edat) a kuminsá ku deporte

Na edat di 5 aña Caimin a kuminsá praktiká e deporte di futbòl te ku su 19 aña i debí ku e no a logra keda den e selekshon U20, Caimin ta ser rekomendá pa drenta un klup di atletismo mirando kon duru e por a kore. Caimin a praktiká diferente deporte den su hubentut, pero despues a drenta e mundu di atletismo di un forma profeshonal.

Kua tabata logronan di mas grandi den deporte

E logro di mas grandi pa Caimin tabata su partisipashon na CAC na 97, ku maske e no a gana medaya, e la keda aserka pa diferente coach merikano ku a brind’e e oportunidat di bai studia na Merka. Otro logro grandi tabata e kampionato mundial di 2003 ku e ekipo di relevo di Hulanda ta logra medaya di bròns.

Kua tabata e entrenadó, deportista i o dirigente ku mas impakto

E coach Bob Kitchens tabata un coach ku a yud’e hopi den su desaroyo i komo atleta Andruw Jones tabata esun ku Caimin tabata atmirá i ku a inspir’é pa e por sigui ku su karera den eksterior, kual tabata komo studiante/atleta i despues atleta profeshonal.

Kua tabata e desepshon di mas grandi den deporte

Un desepshon grandi tabata durante di e kampionato Oropeo di 2006, ku Caimin a prepará super bon i nèt promé ku e kareda e ta leshoná. Caimin tabata hopi inspirá, pero lamentablemente e no por a demostrá na mundu kiko e tabata kapas di hasi.

Kua tabata e satisfakshon di mas grandi den deporte

E kareda na 2001 kaminda Caimin por a logra e di dos lugá den e ‘2001 NCAA Outdoor Championships- Men’s 200 Final’ tras di e merikano Justin Gatlin. Akinan portanan a habri i e la drenta kompletu den e mundu profeshonal i asta a kuminsá haña spònser

Un konseho na nos hubentut pa loke ta deporte

Komo hóben purba di hasi mas tantu deporte posibel, pasobra esaki ta salu p’abo. Purba hasi diferente tipo di deporte i di mes lo bo bin ripara ku bo tin talento pa hasi un mihó ku otro i na e momentu ei bo por skohe kua lo bo ke praktiká mas serio i lo bo bira mas fuerte.

Resultado na weganan olímpiko: