Warning: Use of undefined constant WPLANG - assumed 'WPLANG' (this will throw an Error in a future version of PHP) in /home/vpmlaw/public_html/sportmuseumcuracao.com/wp-content/plugins/LayerSlider/classes/class.km.autoupdate.v3.php on line 73
Johnny ‘The Legend’ Hellmund – Sport Museum

Johnny ‘The Legend’ Hellmund

Johnny ‘The Legend’ Hellmund

Nasé 13 di Febrüari di aña 1946

Kon (na ki edat) a kuminsá ku deporte

Johnny ‘The Legend’ Hellmund a kuminsá ku deporte di biar (Karambola) na edat di 7 aña riba mesa di su abuelo den Pardo Bar Billiards den Pietermaai smal i tabata su tio Ernesto i kasa di su tanta ku ta ‘Oom’ Wim, ku a dune instrukshon. Na edat di 14 aña e ta kuminsá ku biar (Pool). Despues Johnny ta bai studia na Hulanda i aki e la sigui praktiká e deporte di biar unda e la kosecha diferente éksito.

Kua tabata logronan di mas grandi den deporte

E logronan di mas grandi pa Johnny tabata pa sali Kampion di Dutch Caribbean ku a habri kaminda pa e por a partisipá na kampionato mundial di biar na 1993. Meskos un kantidat enorme di partisipashon na nivel Panamerikano i den region. Johnny ta e promé yu di Kòrsou ku a partisipá den un mundial di biar.

Kua tabata e entrenadó, deportista i o dirigente ku mas impakto

Un persona ku sigur Johnny tabata atmirá tabata defuntu Eddy Schotborgh ku tabata un persona hopi avansá den e parti atministrativo a loke ta e deporte di biar i tabata esun ku a intervení pa nos por a kompetí na nivel mundial. Esaki sigur Johnny ta hopi gradesido na dje, pa e posibilidatnan ku a keda kreá.

Kua tabata e desepshon di mas grandi den deporte

E desepshon di mas grandi tabata na aña 2013, nèt periodo ku Johnny a retirá di biar Panamerikano, den su último partisipashon den e panamerikano e ta kai vensí den un wega ku si e la gana e lo a kai den e último 8, i ta keda na di 9 lugá.

Kua tabata e satisfakshon di mas grandi den deporte

E satisfakshonnan di mas grandi pa Johnny ta ku pa via di e deporte di Biar, e por a bishita masha hopi pais ront mundu  i sera amistat ku diferente hende. Meskos tur e títulonan di kampion ku e la konkista durante su karera di kual e ta sumamente orguyoso di tur lokual e la logra. E chèri riba e bolo tabata na momentu ku e la drenta salon di fama.

Un konseho na nos hubentut pa loke ta deporte

E konseho di Johnny Hellmund ta pa tur mucha hasi deporte. Pero sigui semper esun ku realmente, esun ku di bo kurason ta esun ku bo ke hasi i teniendo na kuenta di e posibilidatnan i rekomendashonnan di esnan ku berdaderamente konosé e materia. Eseinan ta e chènsnan pa bo saka lo máksimo di bo potensial i einan bo ta logra tur kos.