Wim Keman
Nase dia 22 di Yanüari di aña 1955
Kon (na ki edat) a kuminsá ku deporte
Ku 14 aña Wim Keman a drenta den e deporte di polo akuátiko i ku su 16 aña e la drenta den e selekshon hubenil di Hulanda i ku 18 aña e tabata den e selekshon nashonal di polo akuátiko di Hulanda. Ku su 18 aña e la hunga su promé mundial di polo akuátiko pa e selekshon di Hulanda.
Kua tabata logronan di mas grandi den deporte
Distinshonnan:
Medayanan di Plata i Oro di KNZB pa respektivamente 75 i 125 “Interlands” ku e ekipo nashonal Ulandés di waterpolo;
1991 Plaka Meritorio di CSF pa Wes di Aña;
2012 Ridder in de Orde van Oranje Nassau.
2016 Salon Di Fama CSOF
Kua tabata e entrenadó, deportista i o dirigente ku mas impakto
Un persona ku a hasi hopi impakto den Wim Keman su bida tabata e dirigente Tof Hofland. Tof Hofland tabata esun ku a sòru ku Wim por a yega Kòrsou i ku e por a sigui den e mundu di polo akuátiko.
Kua tabata e desepshon di mas grandi den deporte
E desepshon di mas grandi pa Wim Keman ta na momentu ku e tabata forma parti di e selekshon hulandes di polo akuátiko, ku mester a bai partisipá na e weganan olímpiko 1976 na Montreal i nèt algun siman promé, den un wega di basket ku algun amigu, e ta sufri un leshon na su pia i no por a partisipá na e olimpiada. E selekshon hulandes a keda na di tres lugá i a logra medaya di bròns. Esaki sigur tabata un desepshon hopi grandi pa Wim Keman ku no a gana e medaya di bròns olímpiko.
Kua tabata e satisfakshon di mas grandi den deporte
E satisfakshon di mas grandi pa Wim Keman ta e echo ku e por a bin Kòrsou i logra tur lokual ku e por a logra tantu komo atleta, pero tambe komo coach i árbitro. E deporte di polo akuatiko ku a brind’e hopi oportunidat den su bida, tantu na Hulanda i sigur aki na Kòrsou.
Un konseho na nos hubentut pa loke ta deporte
Ban serio, no hasi wega i praktiká deporte!