Nase dia 07 di aprel di aña 1936 

Kon (na ki edat) a kuminsá ku deporte

Semper Aminta tabata un hóben hopi aktivo i tabata gusta deporte i na edat di 19 aña Aminta a kuminsá di forma ofisial ku e deporte di vòlibòl, ora ku e ta drenta den e klup Olympia. Tabata su ruman hòmber ku tabata enkargá pa kompaña Aminta na treinen. E tabata un deportista hopi dediká i den korto tempu ya Aminta tabata forma parti di e selekshon di Kòrsou.

Kua tabata logronan di mas grandi den deporte

E echo ku hopi lihé e por a drenta e selekshon di Kòrsou i ku na 1959 nan ta keda na di tres lugá den un kompetensia Panamerikano na Venezuela tabata un logro grandi. Maske ku e no tabatin diploma, Aminta tabata fungi komo rèfri tambe i esaki sigur tabata otro logro pe..

Kua tabata e entrenadó, deportista i o dirigente ku mas impakto

E persona ku mas a hasi impakto den Aminta su bida komo deportista tabata Hendrick ‘Poppy’ Girigorie, ku pa hopi aña tabata su entrenadó. Aminta tabata atmir’é pa su forma trankil di splika e kosnan i e tabata yuda bu den bo desaroyo komo deportista.

Kua tabata e desepshon di mas grandi den deporte

Aminta Sprockel no tabatin desepshon den deporte, pasobra pèrdè un wega no ta desepshon, esaki ta paso e otro ekipo tabata mihó i mester motivá bu pa traha mas duru. Kisas na momentu ku bo ta leshoná òf ta sufri di kebrante di salú i no por hunga, ta poko desepshonante paso bo ke yuda bo ekipo gana.

Kua tabata e satisfakshon di mas grandi den deporte

Na 195 e korant  amigu ta nombra Aminta Sprockel komo e deportista di aña i na 19 60 tabata Beurs & nieuwsberichten ku ta nombra Aminta komo deportista di aña. Tabata dos nominashon ku sigur a trese un satisfakshon grandi den e karera komo deportista pa Aminta.

Un konseho na nos hubentut pa loke ta deporte

E konseho di Aminta na nos hóbennan ta pa asina bo tin chèns di hasi deporte, hasi esaki. No ta importá kua deporte, enfoká riba e loke ku bo ke hasi i bai pe. No neglishá bo entrenamentu i lo bo logra hopi.