Warning: Use of undefined constant WPLANG - assumed 'WPLANG' (this will throw an Error in a future version of PHP) in /home/vpmlaw/public_html/sportmuseumcuracao.com/wp-content/plugins/LayerSlider/classes/class.km.autoupdate.v3.php on line 73
Churandy Martina – Sport Museum

Churandy Martina

Churandy Martina

Nase dia 03 di Yüli di aña 1984

Kon (na ki edat) a kuminsá ku deporte

For di hopi chikí Churandy Martina tabata hopi aktivo i na edat di 6 aña, e la gana su promé medaya di ‘Jeugdloop’. Churandy a praktiká entre otro beisbòl, futbòl, natashon i vòlibòl. Ta na su edat di 12 aña mas o ménos, e la tuma e desishon di drenta un ekipo di atletismo i a keda praktiká esaki ku hopi dedikashon i di forma profeshonal.

Kua tabata logronan di mas grandi den deporte

Pa Churandy e medaya ku e la gana ku su 6 aña koriendo 3 kilometer na ‘jeugdloop’ tabata esun di promé i semper lo keda kòrda esaki. Pero ta hopi ta su logronan komo atleta koriendo primeramente pa Antia Hulandes i despues di 10-10-10 pa Hulanda. Partisipando na no ménos ku 4 olimpiada (’04 -’08 -’12 -‘16).

Kua tabata e entrenadó, deportista i o dirigente ku mas impakto

Churandy tabatin diferente coach ku a yud’e manera entre otro Ruthsel Martina (Trupial), Ivette Rojer (The Eagles) i Wendell Prince ku ta esnan lokal ku sigur Churandy ta sumamente gradisí na kada un di nan. Kada unu a hasi un impakto den su bida i a yud’e pa e ta kaminda e ta aworakí.

Kua tabata e desepshon di mas grandi den deporte

E desepshon di mas grandi pa Churandy Martina tabata na olimpiada 2008, durante di e final di 200 meter, ku despues ku e la yega final na di dos lugá, ku un tempu di 19.82 sekònde, despues di basta ratu, nan a bin bisé ku e la trapa liña i ku e la keda deskualifiká. E forma ku e kosnan a bai tabata un desepshon sumamente grandi pa Churandy Martina. Leshon tambe ta algu ku ta un desepshon i prinsipalmente ku esaki stroba bu hasi algu òf logra algu. Pero e la siña pa nunka entrega i sigui bai dilanti.

Kua tabata e satisfakshon di mas grandi den deporte

E satisfakshon di mas grandi pa Churandy Martina ta di por alkansá e kompetensianan di atletismo mas grandi na mundu i representá Kòrsou dilanti miónes di hende ku ta wak rònt mundu. Sigur e kareda di 100 meter ku e la gana na Amsterdam, den un stadion yen i a bira kampion di Oropa, ta un di e satisfakshonnan mas grandi pa Churandy.

Un konseho na nos hubentut pa loke ta deporte

Un konseho pa nos hóbennan ta pa pone un meta nan dilanti di e loke nan ke i traha duru pe. No ta importá kiko ku pasa i keda traha pa bo logra i lo bo logra. Nada no ta imposibel. Konfia den bo mes i konfia den Dios. No laga niun hende bisa bu ku bo no por, ora nan bisa bu ku bo no por, mustra nan ku bo por!