Nasé 12 di Novèmber di aña 1958

Kon (na ki edat) a kuminsá ku deporte

Dudley Josepa na aña 1967 ku  9 aña di edat  a kuminsá train yudo serka sr. Leo Floridas den sentro di bario Steenrijk i esaki a dura mas o ménos 1 aña kaminda e la haña su grado di banchi hel. Dudley no tabata gusta masha e estilo di yudo kaminda ku bo mester kue un hende tene pa asina bo por a hasi bo téknika.

Despues di a stòp ku yudo, na aña 1970 e ta bai praktiká karate na Sportschool Braaf kaminda e la haña lès di karate serká defuntu Ashwin Felix. Aki aki nan tambe Dudley a praktiká mas o ménos 1 aña kaminda e la haña e grado di banchi oraño di estilo di karate Shotokan. Akinan atrobe Dudley a bolbe stòp pasobra e praktiká  tabata un poko monótono. Na aña 1973 Dudley a kuminsá train atrobe serka e instruktor di karate sr. Henry Gougon. Dudley a train te ku kabamentu di aña 1975.

Kua tabata logronan di mas grandi den deporte

Dudley a keda Hulanda di ougùstùs 1982 te ku febrüari 1992 kaminda e tabata forma parti di e selekshon di Hulanda i tabata tin e siguiente logronan ku esunnan di mas importante tabata:

Maastricht:     1984 di 3 den Mundial den kategoria ménos di 80 kg.

Noruega:         1985 di 3 lugá di Europa den e kategoria habri.

Hungria:          1985 di 2 den  Kopa Mundial  den e kategoria ménos 80 kg.

Eskosia:          1986 di 3 di Europa den e kategoria habri.

1986 di 3 di Europa ku ekipo.

Hungria:          1987 di 2 den  Kopa Mundial  den e kategoria ménos 80 kg

Hungria:          1987 Kampeon den  Kopa Mundial  den e kategoria habri

Italia:              1988 di 2 di Europa den e kategoria ménos 80 kg.

Egipto:             1988 Kampeon Mundial den e kategoria di ménos di 80 kg.

1988 di 2 di Mundial ku ekipo.

Yugoslavia:    1989 Kampeon di Europa den e kategoria habri.

1989  di 2 di Europa den e kategoria ménos di 80 kg.

Méhiko:          1990 di 3 di Mundial  ku ekipo.

Spaña:             1992 di 3 di Mundial  den e kategoria ménos di 80 kg.

Algeria:           1993 di 3 di  den Kopa Mundial  den e kategoria ménos di 78 kg.

Malasia:          1994 di 2 di Mundial den e kategoria di ménos di 80 kg.

1994 di 3 di Mundial  ku ekipo.

Aparte di e logronan ariba menshoná Dudley a sali un total di 14 biaha kampeon di Hulanda, kaminda tabata tin kombinashon di premionan individual i di ekipo. Na febrüari 1992 Dudley Josepa a regresá Kòrsou i mesora e la bira entrenadó di e selekshon di Kòrsou i Antia i tambe tabata forma parti komo kompetidor aktivo na e mesun momento. Na Kòrsou  Dudley a sali diferente be deportista i entrenadó di aña. E logronan mas importante despues di su regreso Kòrsou tabata:

Spaña:             1992 di 3 di Mundial  den e kategoria ménos di 80 kg.

Algeria:           1993 di 3 di  den Kopa Mundial  den e kategoria ménos di 78 kg.

Malasia:          1994 di 2 di Mundial den e kategoria di ménos di 80 kg.

1994 di 3 di Mundial  ku ekipo.

Kua tabata e entrenadó, deportista i o dirigente ku mas impakto

Dudley tabatin diferente persona ku a hasi impakto den su bida i entre nan tin William Millerson ku tabatin hopi eksperensia, na Hulanda e tabatin e entrenadó Raymond Snel ku a yud’e hopi riba nivel di kompetensia. E karateka di Inglatera Victor Charles tabata un modelo pa Dudley i e tabata imitá su forma di bringa hopi.

Kua tabata e desepshon di mas grandi den deporte

E desepshon di mas grandi pa Dudley Josepa tabata dos leshon ku e la sufri durante su karera. E promé tabata temporada ku e la kibra su dede i e mester a keda ousente pa mas ku un aña i no por a kompetí, miéntras ku e di dos tabata un leshon tambe, pero esaki tabata na su skouder, kual a pone tambe ku e no por a partisipá na un kampionato Panamerikano.

Kua tabata e satisfakshon di mas grandi den deporte

E satisfakshon di mas grandi pa Dudley tabata na 1988 di a konkista e título di kampion mundial. Pa un temporada largu Dudley a keda ku e momentu aki graba den su mente. Su instalashon komo miembro di salon di fama tambe ta un satisfakshon pa Dudley i di sa ku e la ser inmortalisá.

Un konseho na nos hubentut pa loke ta deporte

Un konseho pa nos hóbennan ta pa nan skohe e deporte ku nan gusta. Trata na dediká shen porshento na bo deporte. Disiplina ta importante i estudio nunka por stroba bu ku bo deporte. Trata na hasi lo maksimo pa asina bo por bira un grandi den esaki.