Nase dia 07 di aprel di aña 1941

Kon (na ki edat) a kuminsá ku deporte

For di edat hopi yòn Geoffrey tabata praktiká diferente deporte na skol i na Mgr. Zwijsen College Geoffrey ta bin drenta den e deporte ku e ta stima ku ta vòlibòl. Geoffrey a praktiká e deporte di vòli, e la coach den e deporte di vòli i a dirigí tambe den e deporte di vòlibòl.

Kua tabata logronan di mas grandi den deporte

E logro di mas grandi pa Geoffrey tabata komo dirigente, ora ku na aña 74 pa 75, e la establesé un rèkert den asistensia di públiko ku a bai wak wega di vòlibòl na CSC na Damacor. E lugá tabata kompletamente yen.

Kua tabata e entrenadó, deportista i o dirigente ku mas impakto

Komo hungadó tabata Rene Amerlaan ku a yuda Goeffrey den kuminsamentu i despues komo dirigente e persona ku a hasi impakto den Geoffrey Goede su bida tabata Kees de Looze ku a implementá un sistema kompletamente nobo pa entrená e deporte di vòlibòl na Kòrsou.

Kua tabata e desepshon di mas grandi den deporte

Ainda Geoffrey tin sintimentunan miksto komo dirigente, di kosnan ku a bai ménos bon den e deporte di vòlibòl i ku en realidat por a bai hopi otro segun su pensamentu.

Kua tabata e satisfakshon di mas grandi den deporte

E satisfakshon di mas grandi tabata komo dirigente di mira kon e deporte di vòlibòl tabata floresé i ora tur hende ku topa bu i pidi bu pa bo keda òf bolbe bèk komo dirigente. Lamentablemente ta yega sierto momentu ku bo mester hala atras, pero satisfecho ku e trabou ku a keda hasi e periodo ei.

E buki di historia di vòlibòl tambe ta otro satisfakshon grandi pa Geoffrey Goede, kende ta outor di esaki. Esaki ta un regalo pa Kòrsou i pa tur ku a praktiká e deporte di vòli.

Un konseho na nos hubentut pa loke ta deporte

Konseho na nos hubentut ta pa praktiká deporte pasobra deporte tin hopi benefisio p’abo. E ta siña bu disiplina i e ta siña bu perseverá. Purba hasi deporte mas mihó posibel i sòru pa bo ta mihó ku bo kontrinkante i esaki bo por hasié dor di dediká mas atenshon na bo deporte. No semper lo bo por hasi esaki mihó ku bo kontrinkante, pero abo mester sòru di saka lo máksimo di bo kapasidat pa logra e loke bo ta hasi.