Nase dia 16 di òktober di aña 1920

Kon (na ki edat) a kuminsá ku deporte

Na edat di 12 pa 13 aña Henry Prince a kuminsá praktiká e deporte di atletismo riba vèlt di pòst 5 di Shell i despues a sigui riba stadion di rif bou di guia di Mr. Fai. E tabata kore 100 i 200 meter plùs bula leu. Pero na momentu ku e la leshoná e la drenta den parti di dirigente deportivo.

Kua tabata logronan di mas grandi den deporte

Aparte di a buta algun rèkert den bulamentu leu komo deportista di 6.83 meter, Henry a logra diferente kos komo un atministradó deportivo tantu lokalmente komo internashonalmente. Henry Prince tabata hefe di delegashon na masha hopi okashon den pasado

Kua tabata e entrenadó, deportista i o dirigente ku mas impakto

Algun persona ku a enkaminá Henry Prince den su trayektoria komo deportista tabata Mr Fai, Sr Book i un coach merikano di Springfield College.

Kua tabata e desepshon di mas grandi den deporte

E desepshon di mas grandi pa Henry Prince tabata na momentu ku su propio miembronan di e deporte ku e tabata miembro di dje, durante di un elekshon a keda sin sostené. Esaki tabata tambe e momentu ku Henry a tuma e desishon di retirá for di atministrashon deportivo.

Kua tabata e satisfakshon di mas grandi den deporte

E satisfakshon di mas grandi pa Henry Prince ta e echo ku temporada ku e tabata presidente di e komité olímpiko di Antia Hulandes i alabes tesorero di ODECABE, e la sòru ku kada pais partisipante por a haña 20 mil dòler pa prepará nan atletanan pa partisipá na e kompetensianan.

Un konseho na nos hubentut pa loke ta deporte

E meta prinsipal ta pa bo partisipá den deporte, kual sea ku esaki ta. Duna tur lokual ku bo tin pa bo logra bo meta den e deporte ku bo skohe.