Nase dia 31 di òktober di aña 1960 

Kon (na ki edat) a kuminsá ku deporte

Michel Daou a kuminsá ku e deporte di beisbòl ku su 13 aña i a praktiká esaki te ku su 29 aña i ku 30 aña e la drenta den e deporte di tiru kual ta e deporte ku a brind’e mas satisfakshon komo deportista.

Kua tabata logronan di mas grandi den deporte

E logronan di mas grandi tabata di por a partisipá na 3 wega olímpiko (Barcelona 1992, Atlanta 1996 i Syndey 200)

Kua tabata e entrenadó, deportista i o dirigente ku mas impakto

Den beisbòl e persona ku a hasi mas impakto den Michel Daou su bida tabata Philip ‘Lipo’ Elhage ku tabata mènedjer di e ekipo Sta Rosa Indians i den e deporte di tiru tabata su propio tio kende ta Henry Daou (dfm) ku a hasi un impakto riba Michel Daou.

Kua tabata e desepshon di mas grandi den deporte

E desepshon kisas tabata e echo di no a logra medaya durante di weganan olímpiko, pero pa Michel Daou e no ta haña ku e tabatin un desepshon komo deportista.

Kua tabata e satisfakshon di mas grandi den deporte

E satisfakshon di mas grandi ta e echo di por a klasifiká pa 3 olimpiada sigui tras di otro ku ta nifiká un kantidat di 12 aña manteniendo un bon nivel den e deporte di tiru. Ketu bai Michel ta aktivo i ta siña un kantidat di hóben ku ta interesá den e deporte di tiru

Un konseho na nos hubentut pa loke ta deporte

E konseho di Michel Daou na nos hubentut ta ku deporte ta hopi bon i ta rekomendá nan pa hasi deporte, kual sea ku esaki ta. Si bo por skohe, skohe unu ku bo por yega olimpiada. Den su kaso e a skohe pa un deporte individual i den e kaso ei, ta abo ta disidí kon leu bo ke yega ku bo deporte.