Nase 10 di Yanüari di aña 1953

Kon (na ki edat) a kuminsá ku deporte

Na edat di 16 aña William (Junior) Millerson a start ku e deporte di karate riba inisiativa di un bon amigu. Despues e la bai studia Hulanda i aki a probechá alabes pa sigui profeshonalisá den e deporte di karate i mas despues a drenta den maneho di deporte.

Kua tabata logronan di mas grandi den deporte

Komo atleta:

*1973 te 1976 Kampion di Hulanda den peso medio. *1973 i 1975 Sup kampion di Europa den peso medio. *1975 Kampion di Europa den estilo Wado. *1975 Kampion di Hulanda den kategoria habri.

*1973 te 1976 Den revista ‘Black belt’, number 6 riba e tòp 10 mihó bringadónan di karate di Europa

*1975 Di 3 lugá ku e ekipo di Hulanda den mundial di karate na Long Beach, California.

*1976 i 1979 Kampion di kampionato Latino Amerikano i USA na respektivamente Santo Domingo i El Salvador.

*1977 No. 4 na kampionato mundial na Tokyo, Hapon. E tempu ei ta un kategoria open so ta tin. Tabata premia number 1 te ku 8.

*1979 No. 3 den kampionato panamerikano di PAKF na Buenos Aires, Argentina.

*1981 Kampion di e promé kampionato ofisial panamerikano organisá aki na Kòrsou, ganando den
final di e famoso Billy Blanks, fundador di taebo.

Komo dirigente

*1977 te 1984 Partisipashon na 4 kampionato mundial komo atleta, coach i delegado.

*1976 te 1992 Trainer/coach di selekshon di Kòrsou i Antia Hulandes.

*1986 te 1993 Sekretario general de PUKO (Panamerican Union of Karate-do Organizations).

*1993 te 2013 Presidente di PKF ántes PUKO (Panamerican Karate Federation)

*1987 te 1998 Presidente di CSF

*1994 Vicepresidente di WKF (World Karate Federation).

*1998 te 2014 Prome vicepresidente di WKF.

*1997 te 2013 Presidente di NAOC.

*2007 te 2011 Den direktiva di ODECABE(Organizaci6n deportivo Centro Americano y del Caribe)

*2011 A risibí kondekorashon real “Ridder in de orde van Oranje Nassau.

*2012 Den direktiva di ACODEPA(Asociacion de Confederaciones Deportivas Panamericanas) *2013 Promové pa di 8 Dan den Karate estilo Wado.

*2013 Nombra presidente honorario pa bida di PKF (Panamerican Karate Federation)

Kua tabata e entrenadó, deportista i o dirigente ku mas impakto

E eks entrenadó di selekshon di Hulanda i leyenda di karate, Rob Zwartjes i despues e eks karateka i entrenadó Harold La Rose, tabatin un influensia sumamente grandi den desaroyo di Millerson su karera komo karateka.

Kua tabata e desepshon di mas grandi den deporte

E echo ku na e kampionato mundial di karate, ku a tuma lugá na Tokyo, na aña 1977, debí na un fayo den semi final, nan ta deskualifike i e no a logra bira kampion mundial, pero a finalisá na di kuater lugá.

Kua tabata e satisfakshon di mas grandi den deporte

Millerson ta gradesido na e deporte di karate ku a brind’é oportunidatnan uniko i alabes pa medio di esaki e por a biaha rònt mundu, sea komo deportista i òf dirigente. Esaki a kombirtié tambe den un tòp dirigente den nos region i a logra kasi tur kos komo dirigente siendo presidente òf vise presidente di diferente organisashonnan deportivo lokal i tambe internashonal.

Un konseho na nos hubentut pa loke ta deporte

Komo deportista semper bo mester bai pa ekselensia, nunka plania nada mediokre. Hasi bo máksimo esfuerso pa bo ta un kampion i lo bo logra di ta un kampion.